Ақай ауылдық клуб үйінде мемлекеттік рәміздер күніне орай мерекелік іс-шара атап өтілді. 1992 жылы 4 маусым – қазақ елінің алтын әріптерімен жазылатын елеулі күні. Дәл осы күні Республиканың Жоғары Кеңесі тәуелсіз Қазақстан Республикасының мемлекеттік Туы мен Елтаңбасы сын бекітті – деп бас маман Бержанова Айсулу ауыл тұрғындарын мерекемен құттықтап іс-шараны ашып берді. Клуб үйінде «Рәміздер – ел мақтанышы» атты кітап көрмесі және №99, №279 орта мектептерінің тынығу лагерінде демалып жатқан оқушылар арасында сурет салудан сайыс ұйымдастырылды. Суретшілер одағының мүшесі, сурет үйірмесінің жетекшісі Байсалов Жайлау ағай төрелік етіп 1 орынмен №99 орта мектебінің 4 сынып оқушысы Райымова Аяулым иеленді. Мереке концерттік іс-шара ретінде өткізілді.