Игі шаралар жалғасын таппақ

Қармақшы аудандық білім бөлімі, «Бала еңбегін қанауға қарсы 12 күн» Ұлттық ақпараттық науқанының іс шарасына байланысты жұмыстар жүргізілуде. №105 мектеп-лицейде оқушылардың сұлу, сымбатты, денсаулығы зор, күшті болуы үшін денені шынықтыру, спортпен айналысудың маңызын ұғындыру, салауатты өмір салтын насихаттау, ұжымшылдыққа тәрбиелеу мақсатында «Балдырған» күндізгі тынығу лагерінде «Біздің еңбегіміз» күніне байланысты «Кім жылдам?» тақырыбында спорттық сайыс өткізілді. №99 мектепте жасөспірімдердің өтпелі кезеңдеріндегі үдеріс туралы мәлімет толықтыру; өмірді бағалай білуге, өмірдің құндылықтарын түсінуге көмектесу; оқушылар арасында жағымды психологиялық қатынас тудыру мақсатында мектеп психологы «Біз – Өмірді таңдаймыз!» тақырыбында тренинг өткізілді. №85 мектепте «Еңбектен бос балалық шақ» ұранымен «Тәуелсіз Отаным-Қазақстан!» атты мемлекеттік рәміздер күніне байланысты акция өткізілді. Оқушылар арасында «Мен елімді сүйемін» патриоттық әндер сайысы, «Біздің Ту», «Біздің Елтаңба», «Біздің Гимн» атты білгірлер сайысы, «Ел рәміздері-асыл мұрамыз» атты сурет байқауы «Мемлекеттік Рәміздер-елдігіміздің белгісі» тақырыбында шығарма жазу байқауы өткізілді. Игі шаралар жалғасын таппақ.