Қазақстан- мейірімділік мекені

"Қазақстан- мейірімділік мекені" республикалық іс шаралар барысы аясында Қармақшы аудандық білім бөлімі жұмыс жасауда. №269 орта мектебінде «Қазақстан-мейірімділік мекені» тақырыбында өткізілген акцияны қорытындылау үшін «Мейірімді болайық талантты оқушылар» тақырыбында қорытынды кеш өткізілді. Оқушыларға мейірімді болуға, бірін-бірі құрметтеуге дағдыландыруға, көмек қолын созудан еш уақытта қашпауға, қамқорлық жасай білуге баулу мақсатында өткізілген кешке акция көлемінде жүргізілген жұмыстар насихатталып, өнерпаз оқушылардың өнерлері, белсенді оқушылардың сұхбаты, ата-аналардың жылы-ыстық лебіздері тыңдалды. Кеш соңында акцияға белсенді араласқан оқушылар мектеп директорының алғыс хатымен марапатталды. Игі істер жалғасын таппақ.