Дүйсенбіде Қазақстанда ауа райы қандай болады
Еліміздің басым аумағында ауа райы құбылмалы болады деп болжанып отыр, кей жерлерде жаңбыр жауады
НҰР-СҰЛТАН, 2 маусым — Sputnik. Қазгидрометтің синоптиктері 3 маусымға ауа райы болжамын жариялады.
"Басым аумақта ауа райы құбылмалы болады, кей жерлерде жаңбыр жауады, оңтүстікте, оңтүстік-шығыста – нөсер жауын, республиканың батысында ғана күн ашық", - деп хабарлады метеорологтар.
Сондай-ақ кей жерлерде найзағай ойнап, жел күшейеді деп болжанып отыр, дауыл тұрып, бұршақ жаууы мүмкін.
Өңірлердегі ауа райы
- Ақмола, Жамбыл және Түркістан облыстарының кей жерлерінде күн күркіреп, дауыл соғып, жел секундына 15-20 метрге дейін күшейеді, бұршақ жаууы мүмкін.
- Павлодар, Алматы, Шығыс Қазақстан, күндіз Атырау, Батыс Қазақстан, Ақтөбе, Қарағанды облыстарында кей жерлерде күн күркірейді, желдің күші секундына – 15-20 метр. Атырау облысында – кей жерлерінде шаңды дауыл, Шығыс Қазақстан, Алматы, күндіз Батыс Қазақстан облыстарының кей жерлерінде бұршақ жаууы мүмкін.
- Қызылорда облысында кей жерлерде күн күркіреп, дауыл тұрады, желдің жылдамдығы секундына 20 метрге жетеді.
- Қостанай, Солтүстік Қазақстан облыстарында кей жерлерде желдің жылдамдығы секундына 15-20 метрге күшейіп, түнде кей жерлерде найзағай ойнайды деп болжануда.
- Атырау, Ақтөбе, Қарағанды облыстарында кей жерлерде күндіз аптап ыстық болады деп болжануда.
- Ақтөбе, Қостанай, Қарағанды, Қызылорда және Жамбыл облыстарының кей жерлерінде өрт шығу қаупі бар.
