Балғындар балабақшамен қоштасты

№2 "Жұлдыз" бөбекжай - бақшасының "Ақкөгершін" және "Қызғалдақ" тобының бүлдіршіндері "Қош бол балабақшам" атты қоштасу ертеңгілігі болып өтті. Өнер мен дарын жас талғамайды. Аузынан сүт дәмі кетпеген балғындар бүгін балабақшамен қоштасты. Балдәурен күннен оқушылық кезеңге аяқ баспақ.

Шара барысында балалар әннен шашу шашып, бөлмені бимен көмкерді. Бұғанасы қатпай жатып, мың бұралған балғындар өздерінің болашақ мамандығын бүгіннен бастап нықтаған тәрізді. Мұнда сахна төрінде Сыр жұртшылығының таңдайын қақтырар жас таланттар өсіп келеді. 

Қоштасу кешіне қатысқан ата-аналар да балаларының бойына сан өнерді жиып алып, көпшілік алдына шығып талантын танытқанына дән риза. Көңілдері шаттанып, тәрбиешілерге алғыс білдіріп жатты.