"Қазақстан - мейірімділік мекені" республикалық іс шараның өңірлік жоспарына сәйкес Қармақшы аудандық білім бөлімі жұмыс жасауда. №28 мектепте жас педагогтар балалардың әлеуметтік жағдайын жақсарту мақсатында, тұрмысы төмен жанұяларға қол үшін беру үшін «Жастар жәрмеңкесі» ұйымдастырылды.

Жұмыстың мақсаты жастардың бойына мейірімділік, қайырымдылық ,ізгілік, қамқорлық сияқты ізгі қасиеттерді қалыптастыру, арзандатылған бағамен өнім сату арқылы көмек көрсету, түскен қаржыны тұрмысы төмен отбасына қажетті азық-түлікпен қамтамасыз ету. Мектебіміздегі жастар өз қолдарынан жасалған әртүрлі нан өнімдерін пісіріп, арзан бағада сатты. Түскен қаржы тұрмысы төмен отбасыларына берілді. Игі істер жалғасын таппақ.