Қазақстан Республикасының Ішкі істер министрлігінің нұсқауымен ҚР аумағында мамыр айының 14-16 күні аралығында Қармақшы аудандық полиция бөлімінің  жеке құрамымен мал ұрлығына байланысты "Мал ұрысы" атты іс-шара өтуде.

Иә, мал ұрлығы. Бұл - «жауыр» болған тақырып. Қоғамның өзекті пробле­масы аталғалы да қашан? Бұл дерт неге тыйылмай жүр? 1 сағаттық миссиядан соң ұрлықшы өз ісіне мәз болады. Ал, ұрлатқандардың қанша жыл осы малды бағып, тер төккені бір-ақ сәтте зая кетеді. Айтып-айтпай не керек, бұған басты себепкер – тұрғындардың өзі болады екен. Мәсе­лен, сиырын қараусыз қалдырады. Оның ішінде үйден ұрланғаны да бар.

Бұл жайында Қармақшы АПб-нің КПб-нің аға жедел уәкілі, полиция майоры Г.Өмірзақов хабарлама жасады.

– Тоқсан сайын есептік жиын өткіземіз. Мұнда мал ұрлығының алдын алу үшін түсіндіру жұ­мысы жүргізілді. Ауылдық жерде бақ­ташы ұйымдастырып ақша төлегісі келмесе немесе жағдайы жетпесе кезек ұй­ымдастырсын. Сонда айына бір рет немесе аптасына бір рет кезек бағады. Есесіне малы түгел, қорасы қараулы, – дейді ол.