Елбасымыз жыл сайынғы Жолдауында жас буын алдына зор міндеттер қойып келеді. Биыл да осы мәселені сөз етті. Елбасы Қазақстан халқының жарқын болашағы үшін денсаулық сақтау саласынан бастап, ауыл шаруашылығына дейін, технологиялық дамудан бастап, білім беру саласын ілгерілетуге дейін әр саланы қамтып, жүзеге асырудың нақты жолдарын көрсетті.

Елбасының талаптары заманға лайық, кезеңі келген және орындалуы аса қажет міндеттер.

Соңғы кездері жастардың қоғамдық істерге белсене кірісіп, ел ағаларымен етене араласып, олардан сабақ алып жүргені көңіл қуантады. Игі істерді одан әрі жалғастырып, осы бағытпен алға ұмтылу, өздеріне жаңа міндеттер жүктейді.

Қазір жер-жерлерде Жолдауды қолдау жастар тарапынан да кең етек алуда.

Еліміздің жаһандық дамуына жастар өз еңбегімізбен, өз қызметімізбен үлесімізді қосуға әрдайым дайынбыз.