ҚҰТТЫҚТАУ!
Қадірлі Ұлы Отан соғысының майдангерлері мен тыл еңбеккерлері!
Қымбатты жерлестер!
Баршаңызды 9 мамыр – Ұлы Жеңістің 74 жылдығымен құттықтаймын!
Жеңіс күні – халқымыздың қажымас қайратының, батыр бабаларымыздың ерлігі мен еңбегінің арқасында келді.
Ерліктің ерен үлгісін танытып, бүгінгі бейбіт күн үшін жасаған өлшеусіз ерліктеріңіз мәңгі ұмытылмайды. Біз оларды әрдайым ардақтап, мақтан етеміз.
Біз бүгін ерліктері тарих бетіне алтын әріппен жазылған, Жеңіс күнін жақындатуға үлес қосқан барлық ардагеріміздің өмір жолын үлгі етеміз, құрмет көрсетеміз.
Бүгінгі ұрпақ аға буын ардагерлер танытқан қаһармандық пен қайсарлықтан үлгі алады, оларға қарап бой түзейді.
Бұл мереке жанқияр ерліктің, еңселі елдіктің рухы өрлеп, Жеңіс жалауы желбіреген күн.
Құрметті қармақшылықтар!
Біздің санамызда Отанымызды қорғап қалған батырларымыздың теңдессіз ерліктері еш ұмытылмақ емес.
Тәуелсіздік тұғырының берік, еңсеміздің биік болуы, еліміздің өркендеуі де осынау мерекенің жемісі.
Бүкіл халық жадындағы қастерлі мереке – Ұлы Жеңіс күні құтты болсын!
Ардагерлерімізге мықты денсаулық, ұзақ ғұмыр, әр отбасына ырыс-береке, елімізге бейбітшілік тілеймін.
Құрметпен аудан әкімі Сұлтан МАҚАШОВ.
