Әр қазақтың асыға күтетін мейрамы Наурыз - табиғаттың тылсымы мен ғалам ғажайыптарын бойына жиған ерекше мереке. Осыны терең ұғына білген бабаларымыз бұл күнді Жыл басы деп есептеген. Айнала көгеруге қамданып, дүние жаңарып, құлпыра құбылып, жер жаһанға шаттық пен қуаныш сыйлайтын, ізгіліктің нұры төгілетін мейрам осы.

Осыған орай, Қармақшы ауданы Төтенше жағдайлар бөлімінің қызметкерлері және 5 өрт сөндіру бөлімінің қызметкерлерімен бірлесіп Наурыз мейрамы атап өтілді. Іс-шараға жергілікті атқарушы органдардың қызметкерлері және ардагерлер келіп дастарханнан ауыз тиіп, көптеген әңгімелерін бөлісті және жастарға ақ баталарын берді.

Мерекенің қызығы жастар арасында "арқан тартыс", "қол күрес", "гір тасын көтеру", "ләңгі тебу" секілді қазақтың ұлттық ойындарын ойнап, жеңімпаздарға сыйлықтар табыс етілді.