Халықтың батасын алды
Тұрмағамбет ауылында наурыз тойы жоғарғы деңгейде тойланды. "Тұрмағамбет-Даму" қорының қолдауымен, 1984-1983 жылғы азаматтардың ұйымдастыруымен өткен шара екі күнге созылды. 21 Наурыз күні облыстық жыраулар фестивалімен бастау алған думанды кеш мерекелік концерт пен жалғасын тапты. 22 Наурыз күні Ауыл әкімі Б.Байбарақов ауыл тұрғындарын, қала қонақтарына құттықтау лебіздерін білдірді. Әр жылы туылған азаматтар наурыз көже дайындап халықтың батасын алды. Мерекелік шара ақындар мүшайрасы, қазақша күрес, түйе палуан, қол күрес, арқан тартыс, турнекке тартылу секілді спорттық жарыстармен жалғасын тапты. Ұйымдастырушы азаматтар ауыл тойханасында әруақтарға құран бағыштап, ақсақалдардың батасын алды. Ауылдың ат жарыс алаңында жорға жарыс, Тай жарыс, Аламан бәйге ұйымдастырылып шабандоздарымыз демеушілек жасаған азаматтардың қаржылай сертификаттарымен марапаттады.
