ҚАСИЕТТІ ҚАРА ШАҢЫРАҒЫМ - МЕКТЕБІМ

Жылдар неткен жүйрік еді - қасқағым,
Қайда сол бір жарқылдаған жас шағым ?!
Ән - думанға бөлеп әркез жүруші ек,
Алтын бесік - туған ауыл аспанын! - деп жырға қосып, ардагер ұстаз Ермағамбетова Қарлығаш апайымыз "ҚАСИЕТТІ ҚАРА ШАҢЫРАҒЫМ - МЕКТЕБІМ" атты кітабының тұсау кесер кеші болып өтті.

Кітапта мектептің іргесі қаланған уақыттан, бүгінге дейінгі дәріс берген аяулы ұстаздарымыздың өмірі мен өнегесі арқау болған. Дүниеден өтіп кеткен қаншама ұстаздарымыздың бейнесі бүгінгі ұрпаққа ізгі мұра болып қалатыны анық. Ұстазымыз Қарлығаш апай кітапхана қорына кітап тапсырды. Кітап көрмесі жасалып, апайымызға толағай табыстар мен шығармашылық шабыттар тіледік.