ТҰРҒЫНДАР ҰСЫНЫСЫ ОҢ ШЕШІМІН ТАПТЫ

Төребай би ауылын көркейту – көгалдандыруға аяқ су тарту және мал жайылымдығы мен шабындығын суландыруға бағытталатын жұмыстардың жоспары ауыл тұрғындарымен өткен кездесуде қаралды.

Тұрғындармен кездесуде аудан әкімі Мақашов Сұлтан Ысқақұлы «Бұл жобаны жүзеге асырудағы басты мақсатымыз ауылға аяқ су жеткізу.

Осы қазылатын каналдар арқылы егіндік пен жайылымдық жерлерді суландыру мәселелерін шешу жоспарланған.

Осыған орай, арнайы су мамандарымен және ауыл тұрғындарымен бірлесіп зерттеу жұмыстары жүргізілді.

Нәтижесімен Төребай би ауылына «Балажарма» каналы арқылы тартылуы жоспарланған канал жүйесінің екі нұсқасы әзірленді.

Осы екі нұсқаның қайсысын ауыл тұрғындары, Сіздер тиімді деп тапсаңыздар Біздер соған сәйкес тиісті органдармен бірлесіп жұмыс жасайтын боламыз»- деп атап өтті.

Кездесуде «ҚазСуШар» РМК Қызылорда облыстық филиалының жобалау тобының бас инженері Мәлікайдар Іскендірұлы екі нұсқаны тұрғындарға таныстырды.

Сондай-ақ, ауыл тұрғындары өз ұсыныс-пікірлерін жеткізіп, сұрақтарына жауаптарын алды.

Кездесу қорытындысымен ауыл тұғындарының барлығы бір нұсқаны тиімді деп тауып, бірауыздан қолдау көрсетті.

Ендігі кезекте аудан әкімдігі құзырлы органдармен бірлесіп тиісті жұмыстарды жалғастыратын болады.