ОБЛЫСТЫҚ "ҮЛГІЛІ АУЫЛ" БАЙҚАУЫНАН ЖҮЛДЕМЕН ОРАЛДЫ
Елбасының «Болашаққа бағдар: рухани жаңғыру» мақаласының «Туған жер» бағдарламасы аясында, облыс әкімінің бастамасымен Қызылорда облысының елді мекендері арасында «Үлгілі ауыл» байқауын өткізу туралы шешім қабылданған болатын.
Байқаудың мақсаты – жұртшылықтың қоршаған ортаны қорғау мен орнықты даму мәселелерiн шешуге жан-жақты қатысуын қамтамасыз ету болып табылады.
Сонымен бірге, байқау тірек ауылдық елді мекендері мен басқа да елді мекендер арасында екі санат бойынша және елді мекендер көгалдандыру, абаттандыру жұмыстарымен және санитарлық тазалықтың жай-күйі бойынша бағаланды.
Байқау екі кезеңде өтті. Бірінші кезең – аудан (қала) ішілік.
Екінші кезең - облыстық. Облыстық жұмысшы комиссиясы аудан, қала әкімдіктері ұсынған ауылдық округтердің құжаттарымен танысып, бағалап, қорытындысын шығарды.
Байқаудың нәтижесі облыс әкімінің қатысуымен қорытындыланып, марапаттау шаралары ұйымдастырылды.
Аталмыш байқауға Қармақшы ауданынан "Қармақшы ауылдық округі" қатысып, Қармақшы ауылдық округінің әкімі Білжанов Әлімбай ынталандыру номинациясы бойынша 2 млн. теңге көлемінде қаржылай жүлде қорын иеленді.
