Қармақшы аудандық сотында сот жүктемесін оңтайландыру туралы жаңа заңнама талқыланды

2019 жылдың 21 қаңтарында Қазақстан Республикасынынң Президенті Н.Ә.Назарбаев «Қазақстан Республикасының кейбір заңнамалық актілеріне меншік құқығын қорғауды күшейту, төрелік, сот жүктемесін оңтайландыру және қылмыстық заңнаманы одан әрі ізгілендіру мәселелері бойынша өзгерістер мен толықтырулар енгізу туралы» Заңына қол қойды. Бұл заң 2019 жылдың 03 ақпанында заңды күшіне енеді.

Сот жүктемесін оңтайландыруға байланысты, сот ісін жүргізуді жеңілдету және дау тудырмайтын сұрақтарды басқа құрылымдарға, атап айтқанда, нотариустар мен прокуратураға қарауға беру жолы арқылы сот рәсімдерін оңтайландыруға байланысты Қармақшы аудандық сотымен дөңгелек үстел өткізілді.

Дөңгелек үстелге сот төрағасы Д.Кентбаев, судья Л.Алибекова, бас маман Қ.Шазатов, жеке сот орындаушы Серікбайұлы Б. және адвокат Ш.Қабақбаев қатысты.

Сот төрағасы заңға енгізілген өзгерістерге толығырақ тоқталып, тиісті шаралар қабылдау қажеттігін атап өтті.

Дөңгелек үстел соңында заңнамаға енгізілген өзгерістер мен толықтырулар кеңінен түсіндіріліп барлық сұрақтарға толық жауаптар берілді.