«ЦИФРЛЫ ҚАЗАҚСТАН» БАҒДАРЛАМАСЫ АУДАНДАҒЫ БІЛІМ БЕРУ САЛАСЫНДА ЖҮЗЕГЕ АСЫРЫЛУДА
Қармақшы ауданы бойынша 29 білім беру ұйымы интернетке қосылып, қазіргі таңда ғаламтор желісі арқылы кеңжолақты интернет жұмыс жасауда.
«Электронды күнделік» білім беруді басқару ұйымдарына арналған бағдарламасы жүргізілуде.
«Күнделік KZ» – онлайн – мониторинг құралы және мекемеге қарасты ұйымдарды жедел хабарландыру жүйесі білім беру саласы бойынша "Мектеп - ата-ана – оқушы" арасындағы үштік байланыс құралы тиімді жүйе екендігін көрсетуде. Өйткені ата-ана баласының үлгерімін ғаламтор желісі арқылы біліп отырады. Қазіргі таңда ауданның 29 орта білім беру ұймй «Электронды күнделік» бағдарламасына қосылып, жұмыс жасауда.
«Білім Ланд» атты онлайн платформасы білім беру ұйымдарына өте тиімді портал, өйткені аталған портал арқылы мектеп бітірушілері ҰБТ-ға дайындалуға болады. Орта білім беру бағдарламасымен негізгі пәндерге арналған қосымша әдістемелік-үлестірмелік, видео материалдарды аталған порталдан кеңінен пайдалану мүмкіндігі бар.
Қазіргі таңда пән мұғалімдері мен мектеп оқушылары бұл порталдың барлық мүмкіндіктерін еркін және тиімді пайдалануда.
Осыған орай Қармақшы аудандық білім бөліміне қарасты 29 орта білім беру ұйымдары 197 WiFi роутер модеммен, 936 компьютермен, 10 мектепке робототехника кабинеті алынып, аудандық оқушылар үйі 3D кабинеті толығымен жабдықталды.
