"Қазақстан- мейрімділік мекені"

"Қазақстан- мейрімділік мекені" республикалық балалар бастамасының өңірлік жоспарына сәйкес Қармақшы аудандық білім бөлімі жұмыс жасауда. №99 мектепте «Туған елге – Ақ тілек» атты концерт ұйымдастырылып, мектеп түлегі, Астана қаласындағы Қазақ ұлттық «Өнер» университетінің 3-курс студенті, республикалық және халықаралық байқаулардың бірнеше дүркін жеңімпазы Алтынбек Айгерім өнер көрсетті. Концерт жасөспірімдерге туған жерді қадірлеу, өнердегі жетістіктерін елге таныту және классикалық өнерді насихаттау, жас жеткіншектерді ұлттық өнерді бағалай білуге тәрбиелеу мақсатында өткізілді. 

Әлеуметтік қолдауды қажет ететін мектеп оқушыларына қолдау жасалынды. Алтынбек Айгерім өзінің өнер жолындағы жетістіктері туралы, алғашқы баспалдағы ауылдан, өз мектебінен бастау алғанын айтты. Кеш барысында әншінің орындауында «Гакку», «Бұлбұл», «Гауһар тас», «Голос», «Time to say good bay», «Алқоңыр» т.б. бірнеше классикалық және эстрадалық әндер орындалды. Игі істер жалғасын таппақ.