English for Jastar

"Нұр Отан" партиясының "Жас Отан" жастар қанатының "English for Jastar" жобасын бастаған болатын. Жоба аясында ағылшын тілі пәні мұғалімдерінен еріктілер жасақталып, облысымыздың бірқатар аудандарындағы мектептерде ағылшын тілін тереңдете отырып оқып-үйрету бағытындағы жұмыстарды жүзеге асырды. Осыған орай "Жас Отан" жастар қанатының бастамашылдығымен ұйымдастырылған "English for Jastar" жобасы Қармақшы ауданында өз деңгейінде өтті. Жобаның басты мақсаты ауыл жастарына ағылшын тілінің тұрмысқа қажетті деңгейде үйрету. Осы бағытта Қармақшы ауданының мектептерінде ағылшын тілінен сабақтар өткізілді. Біліктілігі жеткілікті жас ұстаз Рахманова Шаттық өткізген ағылшын тілінің сабақтары толық түрде ұйымдастырылды. Жобаға қатысқан оқушыларға сертификаттар табысталды. Аталмыш шараға аудандық партия филиалы төрағасының бірінші орынбасары, аудандық мәслихат депутаты Буханов Дастан Әбдібекұлы "Жас Отан" ЖҚ аудандық филиалының төрағасы Оңдашов Нұржан Оразалыұлы қатысты.