–Жалпы жылыту беру маусымы кестеге сәйкес штаттық режимде жүріп жатыр. Тұтынушылар эылу энергиясымен толық көлемде қамтамасыз етіліп отыр деп айтуға болады. Бүгінгі таңда барлық ірі энергостанциялар мен қазандықтарды 3,5 млн тоннандан астам көмір жиналған. Өздеріңіз білетіндей, біздің ірі энергостанциялар мен қазандықтардың жартысы көмірмен, жартысы газбен жұмыс жасайды. Көмір жағынан ешқандай мәселе жоқ. Толық көлемде барлығы қамтамасыз етілген. Норматив бойынша 10 тәулік, 20 тәулік екі норматив бар. Электростанциялардың барлығы сол көлемде келе жатыр. газбен қамтамасыз етілетін станцияларға келетін болсақ, ол жағынан газ құбырлары толық көлемде дұрыс жұмыс жасап тұр. Оңтүстік өңірлер мен Батыс өңірлердегі газбен жұмыс істейтін станциялардың ешқандай шектеулері жоқ. Станциялар кешкі кезеңде үлкен максимуммен жұмыс жасайды. Сондықтан біз КазТрансГаз аймақ мекемесімен келісіп, кешкі кезде станцияларға тиісті көлемдегі газды беріліп отырды. Түнгі мен –күндізгі көлемдері азайып, бірақ бір орта тәулік норматив келісімдер бойынша жүргізіліп жатыр. айта кететін тағы бір жайт, электр станцияларының температуралық кестесіне сәйкес келмейтін фактілер саны 4 есе азайды, –деді спикер.