ТӘУ ЕТЕР ҚАСИЕТТІМ

Қасиетіңнен айналайын, туған жер! «Табаныңа кірген шөңге, маңдайыма кірсін» деген айдарлы ұлдың айбарлы мінезімен шарқ ұрып, сайын даланың төсінде ұлттың ұлылығын паш етер ұлағатты ұрпағыңның жемісті еңбегінің жеңісі, бабамның қаны сіңіп, анамның жасы төгілген Ұлы даланың ұланасыр тойы құтты болғай!

Адамзат баласы үшін тәуелсіздік – мағынасы тереңнен тамыр тартқан тарихи ұғым. Қасиетіне бойлап, қадіріне жете білсек, елдігіміз бен ұлттығымызды, ұлылығымызды қайта оралтып, қазақылығымызды тірілткен тұғыр. Бодандықта боп, болмысымыздан айырылып қала жаздағанда да осы еркіндікке құмар ерік-жігерімізді жанып, жадымызда сақталып үміт сыйлаған да осы – ұлы ұғым.

Алты құрлыққа атымыз танылып, Алаштың арда туған баласы деп төбесіне көтерер абыройымыз да осы тәуелсіздіктің арқасында танылды. Мәңгілік ел болашаққа бағдар алып, рухани жаңғыруға бет алды.

Адам – мәңгілік емес, ел мәңгілік болады. Тұғырымыз биіктесін, туған ел!