Қызылорда қаласындағы №271 орта мектеп базасында облыстық білім басқармасының «Аймақтық дене тәрбиесі методикалық орталығының» ұйымдастыруымен Қазақстан Республикасының Тәуелсіздік күніне орай алғашқы әскери дайындық пәнінің оқытушы-ұйымдастырушылары арасында әскери-қолданбалы спорт түрлерінен облыстық жарысы өтті.

Аудандық білім бөліміне қарасты мектептерінің мұғалімдерінен №269 мектептен Алжанов Ермек Муратбекұлы, №183 мектептен Мұхамбетов Салават Серікұлы, №105 мектеп-лицейден Ешбаев Орынбек Бостанұлы, №107 мектептен Қиясов Амангелді Раимбекұлы, №80 мектеп-гимназиядан Дүйсенбеков Азамат Дүйсенбекұлы, №85 мектептен Бибітбаев Дархандар қатысты.

Облыстық жарыстың бағдарламасы бойынша белтемірге тартылу сайысында 3 орын, арқан тарту сайысында 1 орын, пневматикалық винтовкадан нысанаға ату сайысында 1 орын иеленіп, жарыс қорытындысы бойынша Қармақшы ауданының алғашқы әскери дайындық пәнінің оқытушылары командалық жүлделі 2 орынды иеленді.