» » Бүгін қандай күн?

Бүгін қандай күн?

Бүгін – әзіл мен күлкінің мерекесі. Бүгін – Халықаралық көңілділер мен тапқырлар клубы күні. 2001 жылы қараша айының сегізінші жұлдызында ТМД-ның бірнеше мемлекеті алғаш рет Халықаралық КВН күнін атап өтті. Он жылдан астам уақыт бойы дәл осы күні әзіл мен қалжың өз патшалығын құруды жалғастырып келеді. Мерекенің авторы – халықаралық КВН одағының президенті – Александр Масляков. Сегізінші қарашаны КВН күні деп белгілеудің өзіндік себептері бар. Өйткені, 1961 жылдың сегізінші қарашасында көңілділер мен тапқырлардың алғашқы ойыны теледидардан көрсетілген болатын. Ресей КВН-інің 50 жылдық тарихы болса, Қазақстанда КВН ойындарының көрсетіліп келе жатқандығына 10 жылдан астам уақыт болды. Қазір Қазақстан бойынша қазақ тілінде 200-ге жуық студенттік, 500-ден астам оқушылар КВН құрамасы бар екен. 2005 жылы «Қазақстан КВН Одағы» республикалық жастар қоғамдық бірлестігі құрылып, қазақша сатираға жаны құмар жастардың басы бірікті. Одақтың президенті – Есен Елеукен.
Бүгін әлемнің бірқатар елінде Халықаралық әке күні атап өтіледі. «Әке күні» алғаш рет Вашингтонда 1910 жылғы 19 маусымнан жаппай тойлана бастап, содан бері Америкадағы көптеген отбасылар өздерінің әкелерін құттықтайтын болған. Тек президент Линдон Джонсон маусымның үшінші жексенбісін ұлттық мейрам деп жариялағаннан кейін ғана, 1966 жылдан бастап «Әке күні» бүкілхалықтық мейрамға айналды. Әдетте, жыл сайынғы салтанаттар барысында мемлекет пен қарапайым азаматтар балаларын жалғызілікті тәрбиелеп отырған, табыстары төмен әкелерге қамқорлық жасауға асығады екен.
Бүгін – француз театр және кино актері, режисер, продюсер, сценарист Ален Делонның дүниеге келген күні. Ол 1935 жылы 8 қарашада Париждің оңтүстігіндегі О-де-Сен департаментінде дүниеге келген. Делонның балалық шағы Бур-ла-Рен шағын қалашығында өтеді. Онда оның ата-анасы Ален дүниеге келуден бірнеше жыл бұрын осы қалаға көшіп келген болатын. Кейіннен ата-анасы ажырасып кетіп, Нерон есімді әйелдің асырауына беріледі. Жұлдыздың толық аты – Ален Фабьен Морис Марсель Делон.

massaget.kz
08 қараша 2018 ж. 1 628 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031