«АШЫҚ КҮНІ» ӨТКІЗІЛДІ

Халықаралық музейлер күні алғаш рет 1978 жылы  Мәскеу және Санкт Питербург қалаларында өткен халықаралық  музейлер кеңесінің конференциясында мақұлданған болатын. 
Міне, сол жылдан бастап,  жыл сайын әлемнің 150 мемлекеті музейлер күні мерекесін  атап өтеді.Жуырда халықаралық музейлер күніне байланысты  Қорқыт ата мемориалдық музейінің ұйымдастыруымен  мектеп оқушыларына арнап, мерекелік «Ашық күнін»  өткізді.
Шара барысында  мемориалдық музейді  тамашалуға келген қонақтар музей қызметкерлерінің бастауымен Қорқыт атаның өмір жолымен, оның шығармашылығымен танысты. Сонымен бірге, музейде қойылған ұлттық жәдігерлерді, Қорқыт ата  өмірін зерттеуші ғалымдардың еңбектері мен  жыршы-термешілердің өмір жолдары жайлы көрмені тамашалады.
Шарада музей қызметкерлері оған келушілерді қазақ, орыс және ағылшын тілдерінде  кешен бойынша атқарылған  жұмыстарымен таныстырды.