Қызылорда қаласының 5 жасар тұрғыны Бақыт Нұрдананың есімі «УОРД БУК» кітабына енді. Ол Санкт-Петербург қаласында өткен халықаралық сайыста жүлдегер атанып, әлемдік рекорд жаңартты. Әлі мектепке де бармаған бүлдіршін ересектердің өзі әрең шығаратын есепті шемішкедей шағады. Ол  4 жасынан бастап ментальды арифметиканы меңгерген. Қазір есепті калькулятордан да жылдам, күрделі есептің өзін санаулы секундта шығарады. Ұстаздары ойша санауда техниканы жолда қалдыратын Нұрдананың болашағынан үлкен үміт күтеді.