Рубик кубигін су астында жинаудың жаңа рекорды орнатылды
Lenta.ru 1 минут 44 секунд. Осындай уақыт ішінде Рубик кубигінің алтауын 18 жастағы Вако Марчилашвили су астында жинап шықты.
Нәтижесінде жас грузиннің есімі Гиннес рекордтар кітабына жазылды. Ондағы соңғы рекорд америкалық Энтони Брукске тиесілі еді. Ол 2014 жылы су астында 5 кубикті 78 секундта жинаған. Трюкті орындау үшін арнайы контейнер қолданылған. Марчилашвили де дәл сондай құрылғыны пайдаланды.
Вако Марчилашвили, рекорд орнатушы:
- Рубик текшесін бұрыннан жинаймын. Ал су астында рекорд орнату идеясы ойда-жоқта келді. Ұзақ уақыт жаттықтым. Сәл ғана қателік жіберсем, өміріме қауіп төнетін еді. Бірақ менің қолымнан келді. Менің рекордым көп уақыт жаңартылмайды деп ойлаймын. Өйткені ол оңай шаруа емес.
