Диктант жаздық жарысып
Жуырда «Астана – бейбітшілік бесігі» жалпы қазақстандық ашық диктант жазу еліміздің барлық өңірінде бір уақытта ұйымдастырылды. Бұл шараның өтуіне Қазақстан Халқы Ассамблеясы мен ҚР Президенті жанындағы «Қоғамдық келісім» мемлекеттік мекемесі қолдау білдірген.
Шара аудандық орталық кітапханада, орта арнаулы оқу орнында және мектептерде өтті. Диктант жазуға этно-мәдени бірлестіктердің өкілдері, мемлекеттік қызметкерлер, қоғам қайраткерлері, студенттер мен оқушылар, қарапайым жұмысшылар, ниет білдіруші барлық тұрғындар қатысты. Бұл шараның басты мақсаты – мемлекеттік тілге қызығушылығын арттыру, қазақстандық бірегейлікті қалыптастыру, қоғамдық келісім мен ел бірлігін, Қазақстан халқын топтастырушы фактор ретінде мемлекеттік тілдің рөлін нығайту, қатысушыларға өз білім деңгейін және қаншалықты сауатты жазатынын тексеруге мүмкіндік беру.
А.АЙДАРҚЫЗЫ
