ҚАРМАҚШЫДА «АСТАНА – БЕЙБІТШІЛІК БЕСІГІ» ЖАЛПЫҚАЗАҚСТАНДЫҚ АШЫҚ ДИКТАНТ ӨТКІЗІЛДІ

Ағымдағы жылдың 20 қыркүйек күні сағат 11.00-де «АСТАНА – БЕЙБІТШІЛІК БЕСІГІ» жалпықазақстандық ашық диктант еліміздің барлық өңірлерінде бір мезгілде ұйымдастырылды. Аталған шара Қармақшы ауданының орталық кітапханасында, орта арнаулы оқу орнында және мектептерде өтті. Республикалық «Мың бала» Мәдени-ағартушылық жобасы аясында өткізілген ашық диктант жазуға этно-мәдени бірлестіктердің өкілдері, мемлекеттік қызметкерлер, қоғам қайраткерлері, студенттер мен оқушылар, қарапайым жұмысшылар, ниет білдіруші барлық тұрғындар қатысты. Бұл шараның басты мақсаты - мемлекеттік тілді білуге қызығушылықты арттыру, қазақстандық бірегейлікті қалыптастыру, қоғамдық келісім мен ел бірлігін нығайту. Қазақстан халқын топтастырушы фактор ретінде мемлекеттік тілдің рөлін нығайту. Барлық қатысушыларға өз білім деңгейлерін және қаншалықты сауатты жазатындықтарын тексеруге мүмкіндік беру. Қоғамның жаңа талабына сай сауатты болудың маңыздылығына назар аударту.

«АСТАНА – БЕЙБІТШІЛІК БЕСІГІ» тақырыбындағы ашық диктант жазу флеш-мобын өткізуге, Қазақстан Халқы Ассамблеясы мен ҚР Президенті жанындағы "Қоғамдық келісім" мемлекеттік мекемесі қолдау білдірген.