Оңтүстік Кореяда жаңа жел генераторы пайда болды
Оңтүстік Корея күн батареясымен жұмыс істейтін көше шамдарын қолданады.
Өнертапқыштар жарыққа кететін шығынды үнемдеу үшін тұрғындарға осындай тың жабдықты ұсынып отыр. Көше шамдары желдің қуатымен де жұмыс істей береді. Осы тәрізді жасыл технологиялар Пусан қаласында өткен энергетика және қоршаған ортаны қорғауға арналған көрмеде жұрт назарына ұсынылды. Мұнда он елдің 305 компаниясы өз өнімдерімен мақтанды.
Мин Ёнг Унг, компания менеджері:
- Біздің компания жасаған жел генераторы өзге жабдықтардан ерекше. Мәселен, мұндай құрылғылардың бұрынғы үлгісі қолдануға тым ыңғайсыз еді. Қанаттары ұзын болған соң, дауылға шыдас бермей сынып кететін. Ал мына өнім ондай олқылықтан ада. Жел генераторының қаңқасын болат пен алюминийден дайындадық.
24.kz
