АҚПАРАТТЫҚ ҚАУІПСІЗДІКТІ ҚАЛАЙ САҚТАЙМЫЗ?
Жаһандану үдерісінде әлем тұтас цифрлық жүйені қолданады. Бұл бүгін болмаса, ертең ғаламды шарлайды. «Веб-аналитика және ақпараттық қауіпсіздік» тақырыбында «Grand мастер» бағдарламасы мектебінің директоры Алмат Қуанышбаев «Сыр медиа» ЖШС сайт қызметкерлерімен тәжірибелік семинарда осы тақырыпты қаузады.
Т.Жүргенов атындағы шығармашылық үйінде өткен шарада серіктестікке қарасты басылымдардың сайт мамандары сайт сапасын, рейтингін көтеруге байланысты ұсыныстар және интернетті қай жағынан тиімді пайдалану жайына қанықты. IT саласының маманы А.Қуанышбаев осы тұрғыда электронды қызметтің әлем бойынша бірқатар мысалын келтірді.
«Сыр Медиа» ЖШС-не қарасты ақпарат құралдарының он үш сайт мамандары өздерінің ой-пікірлерін ортаға салып, А.Қуанышбаевпен сұрақ-жауап алмасты. Жиын соңында қатысушыларға кәсіби дайындықтан өткені жөнінде сертификаттар табыс етілді.
