Аудан орталығы Жосалы кентінде «Жастар – мәңгілік ел болашағы» атты аудандық жастар слеті өтуде. аталған слетке ауданның белсенді жастары, кент, ауылдық округтердегі жастар ісі мен кәсіпкерлікті дамыту жөніндегі мамандары, ауыл жастары, жұмыссыз жастар, жас кәсіпкерлер қатысуда.
Жастар слетінің бағдарламасына сәйкес "Жастар үйінде" "Цифрлы Қазақстан - әлемдік дамудың айнасы" тақырыбында, "Кәсіпкерлер үйінде" "Кәсіпкерлік ұғымы, оның ел …экономикасындағы орны" тақырыбында 2 секциялық жұмыс өтіп, секциялық жұмыстарға облыстық жастар ресурстық орталығының маманы Ж.Тасабаев, "GRAND master" бағдарламалау мектебінің директоры А.Қуанышбаев, Қорқыт ата университетінің оқытушысы Н.Құлмырзаев және облыстық кәсіпкерлік палатасының аудандық филиалының директоры А.Шоқбаровтар тақырыптық хабарламалар жасап, қатысушы жастар тарапынан қойылған сауалдар мен ұсыныс-пікірлерге дәріскерлер тиісті жауаптарын берді. Секциялық жұмыстардан кейін слет делегаттары жастар үйіндегі кофе-брейктен дәм татты.
Жастар слетінің жалғасы кешкі сағат 20.30-да "Этноауылда" аспан астындағы "Жастар алауын" жағумен жалғасатын болады.