Бабалар ізімен жүріп өткен өрендер тарихи

Қызылорда облысы білім басқармасының ұйымдастыруымен өткізіліп жатқан Қазақстанның киелі обьектілеріне саяхат бағытындағы республикалық – өлкетану акциясының үшінші күні Ақмола облысынан келген оқушылар көне ортағасырлық Сығанақ қалашығына сапарлады. Бабалар ізімен жүріп өткен өрендер тарихи қаладан табылған көне жәдігерлерді қолымен ұстап, құпияларына қанықты. Ал жолбасшы жас саяхатшыларға ескі шаһардың ерекшеліктерімен таныстырды.– Өздеріңізге белгілі, Елбасының «Рухани жаңғыру» бағдарламасы аясында «Қазақстанның киелі жерлерінің географиясы» базалық жобасы жүзеге асырылды. Осы тұста, таңдаулы тізімге Сыр өңірінен Сығанақ шаһараның енгені белгілі. Бұл құтты орданың ықылым заманнан және орта ғасырлық қалалардың саяси-экономикалық маңызы зор болған. Бұл шаһар Ақ Орданың, Әбілқайыр хандығының, Қазақ хандығының астанасы болған қала.
Жобаға қатысушылардың барлығы да алған әсерлерімен бөлісіп, естелік суреттерге түсу үшін смартфондарына жиі үңілді. Бұл да болса, ұзақ уақытқа дейін есте қаларлық естелік болары айқын.