«ҚЫС-2026»: РЕСПУБЛИКАЛЫҚ КОМАНДАЛЫҚ-ШТАБТЫҚ ОҚУ-ЖАТТЫҒУ ӨТКІЗІЛДІ
Қармақшы ауданы аумағында қысқы кезеңдегі төтенше жағдайлардың алдын алу және оларды жоюға бағытталған «Қыс-2026» республикалық командалық-штабтық оқу-жаттығуы ұйымдастырылды.
Аудан әкімінің тапсырмасына сәйкес жыл сайын дәстүрлі түрде өткізілетін оқу-жаттығудың негізгі мақсаты – қыс мезгілінде туындауы мүмкін төтенше жағдайлардың алдын алу, олардың салдарын жою, сондай-ақ төтенше жағдайларға жедел әрекет ету дайындығын пысықтау.
Командалық іс-шараға аудан әкімінің орынбасары Диас Молдабаев қатысып, аудандық азаматтық қорғау қызметтерінің күштері мен құралдарының дайындығы тексеріліп, қысқы кезеңде орын алуы ықтимал төтенше жағдайлар кезінде атқарылатын жұмыстар пысықталды. Атап айтқанда, авариялық-құтқару және кезек күттірмейтін жұмыстарды жүргізу, тиісті қызметтердің өзара іс-қимылын үйлестіру және шұғыл әрекет ету мәселелеріне басымдық берілді.
Республикалық оқу-жаттығуға аудандық азаматтық қорғау қызметтерінен барлығы 110 адам мен 37 техника жұмылдырылды.
Айта кетейік, «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға азаматтық қорғаудың мемлекеттік жүйесінің басқару органдары мен күштерін дайындау» тақырыбында ұйымдастырылған тәжірибелік шара 19-20 қараша айлары аралығында өткізілді.
Қармақшы ауданы әкімінің баспасөз қызметі














