«МЕКТЕП ТЕАТРЫ» – ТӘРБИЕ МЕН ТАҒЫЛЫМ АЛАҢЫ
«Адал азамат» біртұтас тәрбие бағдарламасының іс-шаралар жоспарына сәйкес, 17 қараша күні №26 мектеп базасында «Мектеп театры» жобасы аясында аудандық байқау кезеңі өткізілді.
Байқаудың басты мақсаты – оқушылардың құқықтық сауаттылығын арттыру, заңға құрметпен қарауға және өз әрекеттеріне жауапкершілікпен қарауға тәрбиелеу, салауатты өмір салтын ұстануға баулу, сондай-ақ өзара сыйластық пен қауіпсіз қарым-қатынас мәдениетін қалыптастыру.
Байқау барысында оқушылар құқық бұзушылық, лудомания, нашақорлық, буллинг, кибербуллинг, интернет-алаяқтық және деструктивті діни ағымдардың алдын алу тақырыптарын театр өнері арқылы сахналап, аталған әлеуметтік мәселелердің зардаптарын көрерменге әсерлі жеткізді.
Байқау қорытындысы бойынша
І орын – №26 мектеп
ІІ орын – №269 және №80 мектептер
ІІІ орын – №99, №108 және №106 мектептер.
Байқауға қатысқан барлық оқушылар мен жетекшілерге шығармашылық табыс, тың идеялар және жаңа жетістіктер тілейміз!
Өнер арқылы ой салу, сахна арқылы сана қалыптастыру – жас ұрпақ тәрбиесіндегі маңызды қадам!















