ҚАРМАҚШЫ АУДАНЫНДА «БАСТАПҚЫ ӘСКЕРИ-ЛИГА» ЖАРЫСЫ ӨТТІ

2026 жылғы 13 қараша күні №183 орта мектеп базасында аудан мектептерінің оқушылары арасында әскери-қолданбалы спорт түрлерінен «Бастапқы әскери-лига» жарысының аудандық кезеңі ұйымдастырылды.

Жарыстың мақсаты – жас ұрпақтың бойында отансүйгіштік рухты қалыптастыру, әскери-патриоттық тәрбиені нығайту, оқушылардың дене дайындығын арттыру және әскери-қолданбалы спорт түрлеріне қызығушылығын дамыту.

Сайыс барысында оқушылар өздерінің күш-жігерін, шапшаңдығын, ептілігі мен ұйымшылдығын көрсетіп, өзара бақ сынады.

ЖАРЫС ҚОРЫТЫНДЫСЫ БОЙЫНША:

І орын – №279 мектеп-лицейі

ІІ орын – №250 мектеп-лицейі

ІІІ орын – №85 орта мектеп

Жеңімпаз командаларды шын жүректен құттықтаймыз!

Отан қорғау – әр азаматтың қасиетті борышы. Жас ұрпақтың бойында патриоттық рухты қалыптастырып, әскери дайындыққа баулу – маңызды міндеттердің бірі.