«ЖАС МЕРГЕН – 2026» АУДАНДЫҚ САЙЫСЫ ӨТТІ

Мақсат – мергендік, міндет – жеңіс!

2026 жылғы 9 қазан күні Қызылорда облысы Қармақшы ауданы бойынша білім бөлімінің бұйрығына сәйкес, аудандық құрама команданы іріктеу мақсатында №28 орта мектеп базасында оқушылар арасында «Жас мерген – 2026» аудандық сайысы ұйымдастырылды.

Аудан бойынша 6 аймақтың командалары қатысқан сайыста оқушылар өзара бақ сынап, мергендік шеберліктерін, ептіліктерін, шапшаңдықтарын және жеңіске деген жігерлерін көрсетті.

Сайыстың басты мақсаты – оқушылардың әскери-қолданбалы спорт түрлеріне қызығушылығын арттыру, отансүйгіштік рухын қалыптастыру және аудандық құрама командаға үздік оқушыларды іріктеу.

Сайыс нәтижесі бойынша командалық есепте:
І орын - №80, 85, 99, 269, 279 мектептер құрамасы,
ІІ орын -№250 мектеп-лицейі құрамасы,
ІІІ орын- №272, 273, 274, 275, 277, 298 мектептер құрамасы иеленіп отыр.

Осындай маңызды іс-шараға қатысқан барлық аймақ командаларына, ұстаздар мен ұйымдастырушыларға алғыс білдіреміз!