25 қазанда Қазақстанда ауа райы қандай болады?
25 қазанда Қазақстанның басым бөлігінде жауын-шашынсыз ауа райы күтіледі. Дегенмен бірқатар өңірде тұман түсіп, үсік жүруі ықтимал. Ал Қызылордада күндіз шаңды дауыл соғуы мүмкін, деп хабарлайды Egemen.kz.
«Қазгидромет» болжамына сәйкес, Астанада түнде ауа температурасы -3…-5, күндіз +6…+8 градус болады. Алматыда түнгі температура -2…-4, күндіз +6…+8 градус шамасында сақталады. Шымкентте күндіз ауа +13…+15 градусқа дейін жылынса, Ақтауда +15…+17 градусқа жетеді.
Бірқатар өңірде түнгі аяз күшейеді. Қарағандыда температура -6…-8, Семейде -5…-7, Өскеменде -6…-8 градусқа дейін төмендейді. Талдықорғанда түнгі ауа температурасы -8…-10 градусқа жетуі мүмкін.
Қызылордада күндіз желдің екпіні секундына 15-20 метрге дейін күшейіп, шаңды дауыл соғуы ықтимал. Петропавл, Орал және Өскемен қалаларында тұман күтіледі.
Айта кетейік, Қазақстанда алдағы қыс салыстырмалы түрде жылы, жауын-шашын мөлшері қалыпты деңгейде болады деп күтіледі.
