«ТУҒАН ӨЛКЕ - ТҰНҒАН ТАРИХ» АТТЫ ИНТЕЛЛЕКТУАЛДЫ САЙЫС ӨТТІ

Қармақшы аудандық тарихи-өлкетану музейінде туған өлкенің тарихын, мәдени мұрасын және тарихи тұлғаларын кеңінен насихаттау мақсатында «Туған өлке – тұнған тарих» атты интеллектуалды сайыс ұйымдастырылды.

Сайысқа 3 топ қатысып, өзара білімдерін сынады. Оқушылар Қармақшы өңірінің тарихы, археологиялық ескерткіштері, елге белгілі тұлғалары, салт-дәстүрі мен мәдениеті бойынша түрлі сұрақтарға жауап беріп, тапқырлықтары мен шапшаңдықтарын көрсетті.

Сайыс қорытындысы бойынша «Қыран» тобы I орын, «Мұрагер» тобы II орынмен, «Тұлпар» тобы III орынмен марапатталды.

Туған өлкенің тарихын білу – өткенді тану ғана емес, болашаққа бағдар жасау.