"Білгірлер бәйгесі"
Қармақшы аудандық тарихи-өлкетану музейінің ұйымдастыруымен ағымдағы жылдың 30 қыркүйек күні №27 орта мектеп оқушылары арасында "Білгірлер бәйгесі" атты интеллектуалдық сайыс өткізілді. Өлке тарихы, ауданымызға танымал тұлғалар, тарихи-мәдени ескерткіштер толықтай қамтылған сайыста "Есқараев" және "Болашақ" деп аталатын 2 топ бақтарын сынады. Оқушылар 4 кезең бойынша әртүрлі сұрақтарға жауап беріп, өздерінің білгірлігін білім бәйгесінде дәлелдеді. Сайыс қорытындысы бойынша өз алтын ұяларының атымен аталатын "Есқараев" тобы жеңіске жетті. Екі топ мүшелерінің білім додасында көрсеткен белсенділіктеріне музей ұжымы алғыстарын білдіріп, жүлделі орындарымен құттықтап, дипломдар табыстады.
