ҚАУІПСІЗ БІЛІМ БЕРУ ОРТАСЫ:БІЛІМ АЛУШЫЛАРДЫҢ ӘЛ-АУҚАТЫ МЕН ПСИХОЛОГИЯЛЫҚ ҚОЛДАУ
Бүгін аудан мектептерінің педагог-психологтарына арналған көшпелі секциялық отырыс өткізілді.
Секция барысында білім беру ұйымдарындағы психологиялық қызметтің сапасын арттыру, білім алушылардың психологиялық әл-ауқатын қамтамасыз ету және қауіпсіз білім беру ортасын қалыптастыру бағытындағы өзекті мәселелер талқыланды.
Кездесу барысында:
психологиялық қызметтің жаңа заңнамалық талаптары мен педагог-психологтардың жұмысындағы өзгерістер;
білім алушылардың қауіпсіздігін қамтамасыз етуге бағытталған «Жеке қауіпсіздік сабағын» ұйымдастыру және өткізу ерекшеліктері;
«Өркен» институты ұсынған диагностикалық әдістемелерді тиімді қолдану жолдары;
Білім алушылардың психологиялық жағдайын зерделеуге мүмкіндік беретін жаңа сауалнама платформасы, оны қолдану және сауалнамаларды ұйымдастыру тәртібі қарастырылды.
Секциялық отырыс барысында педагог-психологтар өзара тәжірибе алмасып, практикалық сұрақтар бойынша пікір бөлісті.
