АУДАН ӘКІМІ ҚҰРЫЛТАЙ САЙЛАУЫНДА ДАУЫС БЕРДІ
Бүгін Қармақшы ауданының әкімі Жандос Еркінбек Жосалы кентіндегі №30 мектепте орналасқан №100 сайлау учаскесіне барып, Құрылтай депутаттарын сайлауға қатысып, өз таңдауын жасады.
Аудан әкімі сайлау учаскесіндегі дауыс беру барысы мен сайлаушыларға жасалған жағдайларды көрді. Белгіленген талаптарға және заңға сәйкес өтуі қажет екенін атап өткен Жандос Еркінбек маңызды саяси науқанға қатысып, азаматтық ұстанымын білдірді.
Еске салайық Қармақшы ауданында 35 сайлау учаскесі жұмыс істеуде. Ауданда 49 317 сайлаушы тіркелген.
Сайлау учаскелері сағат 07:00-ден 20:00-ге дейін жұмыс істейді. Ел болашағы – әр азаматтың таңдауынан басталады! Барша азаматтарды Құрылтай депутаттарын сайлауға белсенді қатысуға шақырамыз!
