АҚСАҚАЛДАРДЫҢ АҚ БАТАСЫМЕН БАСТАЛҒАН САЙЛАУ КҮНІ
Құрылтай депутаттарын сайлау күні ауыл ақсақалы Қуандық Бекбаев №30 орта мектебінде орналасқан №100 сайлау учаскесіне барып, елдің амандығы мен халықтың бірлігіне ақ тілегін арнауда.
Қазақтың «Батамен ел көгерер» деген тағылымды сөзі бар. Қазақы дәстүрмен сабақтасқан тағылымды рәсімде қариялар еліміздің тыныштығын, берекесін, ұрпақтың жарқын болашағын тілеп, ақ баталарын берді.
Үлкендердің батасымен басталған сайлау күні ауыл тұрғындары үшін ерекше мәнге ие болды.
Айта кетсек Қармақшы ауданындағы 35 сайлау учаскесі таңғы сағат 07:00-ден өз жұмысын бастап, тұрғындардың дауыс беруі жалғасуда.
