ЕҢБЕК ҚАУІПСІЗДІГІ – ОРТАҚ ЖАУАПКЕРШІЛІК!
Қармақшы аудандық ауруханасында 2025–2027 жылдарға арналған «Халықаралық еңбек қорғау күні» іс-шаралары жоспарына сәйкес еңбек қауіпсіздігі мен еңбекті қорғау мәселелеріне арналған түсіндіру жұмыстары өткізілді.
Іс-шара барысында медицина қызметкерлеріне қауіпсіз еңбек мәдениетін қалыптастыру, өндірістік жарақаттанудың алдын алу, еңбек жағдайларын жақсарту және қызметкерлердің денсаулығын сақтау бағытында жан-жақты ақпарат берілді.
Кездесу барысында:
еңбек қауіпсіздігі талаптарын сақтау;
өндірістік жарақаттардың алдын алу;
міндетті медициналық тексерулердің маңыздылығы;
жұмыс орнындағы қауіп-қатерлерді азайту жолдары түсіндірілді.
«Нөлдік жарақаттану» тұжырымдамасы – әрбір қызметкердің өмірі мен денсаулығының басты құндылық екенін көрсететін маңызды қағидат. Қауіпсіз еңбек ортасын қалыптастыру – әрбір ұжым мүшесінің ортақ міндеті.
Қармақшы аудандық ауруханасы қызметкерлердің қауіпсіздігі мен денсаулығын қорғауға бағытталған іс-шараларды тұрақты түрде жалғастыра береді.
