Қазақстанның бас мешітіне жаңа атау берілді
Жаңа атау ресми қолданысқа енгізілді
Қазақстан мұсылмандары діни басқармасы еліміздің бас республикалық мешітіне жаңа атау берілгенін хабарлады. Енді ол ресми түрде «Нұрсұлтан мешіті» деп аталады, деп хабарлайды Azattyq Rýhy.
Жаңа атау ресми қолданысқа енгізілді
Қазақстан мұсылмандары діни басқармасының мәліметінше, 5 шілдеден бастап еліміздің бас республикалық мешітіне «Нұрсұлтан мешіті» атауы беріліп, ол ресми қолданысқа енгізілді.
Бас мешіттің рухани миссиясы сақталады
ҚМДБ мәліметінше, республикалық бас мешіт Астана тұрғындары үшін ғана емес, Қазақстандағы барша мұсылман қауымының ортақ рухани ордасы саналады.
«Мешіт халықтың бірлігін нығайтуға, бейбітшілік пен келісімді дәріптеуге, ізгілік пен мейірім құндылықтарын таратуға, сондай-ақ имандылыққа негізделген игі бастамаларды қолдауға қызмет етеді», – деп мәлімдеді басқарма.
Рухани құндылықтарды насихаттау жалғасады
ҚМДБ-ның хабарлауынша, жаңа атаумен бас мешіт қоғамдағы өзара құрмет пен ауызбіршілікті нығайтуға, дәстүрлі рухани құндылықтарды сақтауға және қайырымды бастамаларды дамытуға бағытталған қызметін жалғастыра береді.
