ТҮЛЕКТЕРДІҢ ҚАУІПСІЗДІГІ – БАСТЫ НАЗАРДА!

Мектеп бітіруші түлектердің қауіпсіздігін қамтамасыз ету және құқық бұзушылықтардың алдын алу мақсатында аудан аумағында кешкі және түнгі уақыттарда рейдтік іс-шаралар жүргізілуде.

Рейд жұмыстарына аудан әкімдігі, прокуратура, білім бөлімі, полиция қызметкерлері, мектеп директорлары және еріктілер қатысуда.

Жастар көп шоғырланатын орындарда – орталық көшелерде, саябақтарда, демалыс және ойын-сауық орындарында түсіндіру және бақылау жұмыстары ұйымдастырылуда.

Құрметті ата-аналар!

Балаларыңыздың қауіпсіздігіне жауапкершілікпен қарап, олардың қайда және кіммен жүргенін назарда ұстаңыздар. Кәмелетке толмағандардың түнгі уақытта заңды өкілдерінің қарауынсыз жүруіне жол бермеңіздер.

Құрметті түлектер!

Қоғамдық тәртіпті сақтап, қауіпсіздік талаптарын ұстануға шақырамыз. Өз өміріңіз бен денсаулығыңызға жауапкершілікпен қарап, заң талаптарын бұзбаңыздар.

Бала қауіпсіздігі – баршамызға ортақ міндет!