«Түнгі қаладағы балалар» жедел-профилактикалық іс-шарасы

Кәмелетке толмағандар арасындағы құқықбұзушылықтың алдын алу, жасөспірімдердің түнгі уақытта заңды өкілінсіз жүру деректерін анықтау және олардың қауіпсіздігін қамтамасыз ету мақсатында аудан көлемінде ағымдағы жылдың 12-14 мамыр аралығында «Түңгі қаладағы балалар» жедел-профилактикалық іс-шарасы өткізілетінін ескертеміз.
Іс-шара барысында полиция қызметкерлері білім беру ұйымдарының өкілдерімен бірлесіп, ойын-сауық орындарына, компьютерлік клубтарға, көшелер мен қоғамдық орындарға рейдтік жұмыстар жүргізеді. Сонымен қатар, түнгі уақытта қараусыз жүрген жасөспірімдерді анықтау, ата-аналардың жауапкершілігін түсіндіру және құқықтық профилактика жұмыстарын күшейту көзделген.
Құрметті ата-аналар!
Балалардың қауіпсіздігіне бейжай қарамай, олардың кешкі және түнгі уақыттағы жүріс-тұрысына бақылау жасауларыңызды сұраймыз. Әрбір ата-ана бала тәрбиесі мен қауіпсіздігіне жауапты екенін естен шығармағаны жөн.
Заң мен тәртіп – қауіпсіз қоғам кепілі!