Кітапханаға танымдық саяхат

Қармақшы ауданының оқушылар үйі жанвндағы қарасты «Жас толқын» аулалық клубының оқушылары кітапханаға танымдық саяхат жасады.

Саяхат барысында оқушылар кітапхананың тыныс-тіршілігімен танысып, кітап қорының мол мүмкіндіктері туралы мағлұмат алды. Кітапхана қызметкерлері балаларға түрлі жанрдағы әдебиеттерді таныстырып, кітап оқудың пайдасы мен маңызы жөнінде әңгімеледі.

Оқушылар өздерін қызықтырған кітаптарды қарап, жаңа мәліметтермен танысып, әсерлі сәттерге толы уақыт өткізді. Бұл танымдық шара балалардың кітап оқуға деген қызығушылығын арттырып, білім көкжиегін кеңейтуге ықпал етті.