2 сәуір – Халықаралық балалар кітабы күні

2 сәуір – Халықаралық балалар кітабы күніне орай Қызылтам ауылдық кітапханасында “Қызықты ертегілер сандықшасы” атты ертегілер әлеміне саяхат 3-сынып оқушылары арасында ұйымдастырылды.Іс-шараның негізгі мақсаты – балалардың кітапқа деген сүйіспеншілігін арттыру, оқу мәдениетін қалыптастыру және кітаптың адам өміріндегі маңызын насихаттау.

Шара барысында оқушылар кітап туралы өз ойларымен бөлісіп, Ганс Христиан Андерсенның ертегілерін айтып берді. Сонымен қатар, кітапханашы балаларды кітап көрмесімен таныстырып, ертегі кейіпкерлерінің суреттерін көрсетіп, олардың қай ертегіден екенін анықтауға арналған танымдық ойын өткізді.

Іс-шара балаларға көтеріңкі көңіл-күй сыйлап, олардың кітап оқуға деген қызығушылығын арттырды.