БАЛДӘУРЕННІҢ БАҚЫТТЫ ЖАЗЫ
Аудан әкімі жоспарына сәйкес Е.Көшербаев атындағы №279 мектеп-лицейінде «Балдәуреннің бақытты жазы» атты ерекше әрі әсерлі іс-шара өткізілді.
Іс-шараға Байқоңыр қаласы прокуратурасының прокуроры М.Серік, Аудандық білім бөлімінің әдіскері Ақтолқын Тоқшылықова және Аудандық ата-аналар комитетінің төрағасы М.Әлиев арнайы келіп, балаларды жазғы демалыстың басталуымен құттықтады.
Қонақтар оқушыларға қауіпсіз, пайдалы әрі қызықты демалыс тілеп, лагерь жұмысына сәттілік тіледі. Сонымен қатар, балалардың түрлі шығармашылық, танымдық және спорттық іс-шараларына қатысып, лагерьдегі бір күннің қызықты сәттеріне куә болды.
Осындай жылы жүздесулер балаларға көтеріңкі көңіл-күй сыйлап, жазғы демалыстың есте қаларлықтай өтуіне өз үлесін қосты.
Балғындардың шат күлкісі мен көтеріңкі көңіл-күйі жаз бойы жалғаса берсін!
