БАЛАЛЫҚ ШАҚТЫҢ БОЯУЛЫ БАҒЫ

Бүгін орталық алаңда “1 маусым - Халықаралық балаларды қорғау күні” мерекесіне арналған «Балалық шақтың бояулы бағы» тақырыбында асфальтқа сурет салу байқауы ұйымдастырылды. Байқауға кент мектептері мен Оқушылар үйінің дарынды оқушылары қатысып, өздерінің шығармашылық қабілеттерін паш етті.

Балалар түрлі-түсті борлар арқылы достықты, бейбіт өмірді, туған жерге деген сүйіспеншілікті және бақытты балалық шақты бейнелейтін әсерлі суреттер салды. Әр жұмыс қатысушылардың қиялы мен өнерге деген қызығушылығын айқын көрсетті.

Шара барысында қатысушылар көтеріңкі көңіл-күй сыйлап, мерекенің сәнін келтірді. Байқауға белсенді қатысқан барлық оқушыларға білім бөлімінің дипломдары мен алғыс хаттары табысталды. Жас суретшілерге шығармашылық табыс пен жарқын жетістіктер тілейміз!

Балалардың күлкісі мен қуанышы – біздің ең үлкен байлығымыз!