Сурет салып сайысты

Балалар мен бүлдіршіндер үшін ерекше, ең қуанышты, балаларды бауырластық пен мейірімге баулитын мереке – Халықаралық балаларды қорғау күні. Осыған орай аудандық балалар кітапханасының ұйымдастыруымен «Бақытты балалық шақ» тақырыбында асфальтқа сурет салу сайысы ұйымдастырылды.
Басты мақсаты – сурет салу арқылы балалардың шығармашылық қабілеттері мен көркемдік қиялын дамытып, көркем өнерге баулу.
Ал асфальтқа сурет салу – бұл тек қана көңілді серуендеу ғана емес, сондай-ақ балалардың достық қарым-қатынасын нығайтып, олардың шығармашылығын шыңдайды. Жалпы айтқанда асфальтқа сурет салу ерекше, қызықты және өте көңілді болды. Аталмыш іс-шараға кітапхананың тұрақты оқырмандары Нұрайым Алмасбек,  Нұрдана Әмірбекова, Айым Баймахан, Шәкәрім Саяшбек, Мәдина Жеткергеновалар қатысты. Сайыс соңында ұйымдастырушылар жас оқырмандарды мерекесімен құттықтап, балмұздақ сыйлады.